អាជ្ញាធរជាតិអប្សរាបិទផ្លូវចេញចូលរោងទងទី១ ផ្នែកខាងត្បូង ឆៀងខាងលិចនៃប្រាសាទបាយ័នជាបណ្តោះអាសន្នសិន
សៀមរាប៖ អាជ្ញាធរជាតិអប្សរាបានប្រកាសបិទជាបណ្តោះអាសន្ននូវផ្លូវទស្សនាត្រង់ច្រកចេញ-ចូលរោងទងទី១ ផ្នែកខាងត្បូង ឆៀងខាងលិចនៃប្រាសាទ បាយ័នចំនួន ២ទីតាំង ដើម្បីអនុញ្ញាតឱ្យក្រុមការងារបច្ចេកទេសអាជ្ញាធរជាតិអប្សរាជួសជុលកម្រាលស្រុត និងរៀបចំប្រព័ន្ធបង្ហូរទឹក G5។
បើតាមអាជ្ញាធរជាតិអប្សរា ក្នុងអំឡុងពេលនៃដំណើរការជួសជុលនេះ ភ្ញៀវទេសចរជាតិ-អន្តរជាតិ និងសាធារណ ជនអាចចេញ-ចូលទស្សនាប្រាសាទបាយ័ន តាមទិសដៅទស្សនាថ្មី ដូចមានផែនទីជូនភ្ជាប់មកជាមួយនៅខាងក្រោមនេះ៕
